ზაფხული საუკეთესო დროა ფილმების სანახავად და მეტავერსში სამოგზაუროდ, დაზღვეულ სახლში, კი, ეს ორმაგად სასიამოვნოა!ალდაგისა და მაგთის ერთობლივი აქციის ფარგლებში, სახლის სრული დაზღვევის პოლისით სარგებლობისას მაგთის ინტერნეტი და ტელევიზია უფასოდ გადმოგეცემათ;წარმოგიდგენთ 2022 წლის გამორჩეულ ფილმებს, რომლებსაც ალდაგისა და მაგთის დახმარებით, თქვენს სახლში სიმყუდროვის შემოტანა შეუძლია:
1. Elvis
ფილმი როკ-ენ-როლის ლეგენდის, ელვის პრესლის განვლილ ცხოვრებაზე მოგვითხრობს – როგორ გახდა პატარა ბიჭი 50-იანების ყველაზე ცნობილი როკ ვარსკვლავი და მსახიობი. ფილმში, ელვისისა და მისი მენეჯერის კოლონელ ტომ პარკერის დაძაბული ურთიერთობა საინტერესოდ არის გადმოცემული.
2. Uncharted
ფილმი მოგვითხრობს ქუჩის ქურდზე, რომელსაც საგანძურზე მონადირე ვიქტორ სალი სალივანი, ფერდინანდ მაგელანის მიერ 500 წლის წინ დაკარგული ქონების ხელში ჩასაგდებად დაიქირავებს. ყველაფერი უბრალო ძარცვით იწყება, თუმცა სულ მალე მათი თავგადასავალი გლობალურ ბრძოლაში გადაიზრდება.
3. The Batman
დისის კომიქსების ერთ-ერთი ყველაზე ცნობილი და საყვარელი პერსონაჟის, ბეტმენის ახალმა ფილმა მაყურებელში ძალიან დიდი აღფრთოვანება გამოიწვია. გოთემში არეულობა იწყება. ცნობილი სადისტი, სერიული მკვლელი რიდლერი გოთემის მაღალი საზოგადოების თავიდან მოშორებას იწყებს, ბეტმენი იძულებული ხდება ეს იდუმალებით მოცული დანაშაულები გამოიძიოს და რიდლერს დაუპირისპირდეს. ამ დროს აღმოაჩენს, რომ ეს დიდი არეულობა მისოჯახთან არის დაკავშირებული.
4. Multiverse Of Madness
მარველის მორიგი შედევრი დოქტორი სტრეინჯის თავგადასავალზე მოგვითხრობს, რომელიც დროის ქვების ძიებასა და მულტისამყაროს გათავისუფლებას აგრძელებს, თუმცა ძველი მეგობარი კარლ მორდო, რომელიც ერთ-ერთი თავდასხმის შემდეგ დოქტორ სტრეინჯს გადაემტერება, მას მიზნის მიღწევაში ხელს უშლის.
დოქტორ სტრეინჯი საკუთარი გეგმის შესრულებისას, სრულიად შემთხვევით, ძალიან დიდ ბოროტებას ათავისუფლებს.
5. Top Gun: Maverick
30 წლიანი სამსახურის შემდეგ, საზღვაო ძალების ერთ-ერთი წამყვანი პილოტი, პიტ “მავერიკი” მიტჩელი დაწინაურებაზე უარს ამბობს და ამის ნაცვლად კურსდამთავრებულთა რაზმის სპეციალური დავალების შესასრულებლად ემზადება.
მავერიკს ძალიან დიდი განსაცდელი ელის, რადგან ამ მისიის შესასრულებლად იგი იძულებულია, თავისი წარსულის აჩრდილებსა და ღრმა შიშებს დაუპირისპირდეს.
6. Turning Red
ანიმაციური კომედია, რომელიც 13 წლის მეი ლის ყოველდღიურ პრობლემებზე, ინტერესებსა და ურთიერთობებზე მოგვითხრობს. მოზარდის ტიპური პრობლემების გარდა, მეი ძალიან უცნაური მოვლენის პირისპირ აღმოჩნდება – ყოველთვის, როდესაც ძალიან ღელავს, მაშინვე გიგანტურ წითელ პანდად იქცევა.
7. The Adam Project
13 წლის ადამ რიდი ერთ ღამეს ავტოფარეხში დამალულ დაჭრილ პილოტს იპოვის და აღმოაჩენს, რომ ეს იდუმალი პილოტი მომავლიდან ჩამოსული მისი უფროსი ვერსიაა, რომელმაც ყველაფერი გარისკა, რათა უკან დაბრუნებულიყო საიდუმლო მისიის შესასრულებლად.
ისინი თავგადასავალებით სავსე წარსულში ერთად მიდიან, რათა გარდაცვლილი მამა ოპოვონ, ყველაფერი გამოასწორონ და სამყარო გადაარჩინონ.
8. The Northman
ახალგაზრდა პრინცის, ამლეტის მამას სასტიკად კლავს ბიძა, რომელიც ბიჭის დედასაც იტაცებს. ორი ათწლეულის შემდეგ, ამლეტი უკვე ვიკინგია და შურისძიება სწყურია, ის ბიძამისის მოკვლასა და დედის გადარჩენას ისახავს მიზნად.
9. Official Competition
მილიარდერი ბიზნესმენი გადაწყვეტს, რომ სენსაციური ფილმი გადაიღოს და ისტორიაში შევიდეს. მიზნის მისაღწევად, იგი ცნობილ რეჟისორს, ლოლა კუევასის, ჰოლივუდის გულთამპყრობელ მსახიობს, ფელიქს რივეროს და რადიკალ არტისტს ივან ტორესს, ქირაობს, თუმცა პირადი ამბიციების გამო, მათ ერთად მუშაობა უჭირთ. პრობლემის მოსაგვარებლად ლოლას ექსპერიმენტული დავალებების მოფიქრება უწევს, რომლის მიზანი არა მხოლოდ ერთმანეთის მიღება, არამედ მათი შემოქმედების გააზრებაა.
10. The Summer I Turned Pretty
სერიალი თინეიჯერ გოგონაზე მოგვითხრობს, რომელიც ყოველ ზაფხულს თავის ოჯახთან ერთად დედის მეგობრის აგარაკზე ატარებს. ყოველი ზაფხული ერთნაირია, სანამ ბელი 16 წლის გახდება, სერიალში იხილავთ მეგობრობას, კონფლიქტს, პირველი სიყვარულსა და პირველ გულისტკივილს.
Leave a Reply