თუ 31 წლის გახდი: რისთვის უნდა იყო მზად

თუ 31 წელი შეგისრულდა და გგონია, რადგან მრგვალი რიცხვი არ არის, აღნიშვნად არ ღირს – ძალიან ცდები!

31 წელი ის ასაკია, კომპეტენტურობის პიკში რომ შეყავხარ და უკვე საშუალებას გაძლევს ნებისმიერ სიტუაციაში ეს ჯადოსნური სიტყვები ააფრიალო: 

“შენხელა რომ ვიყავი…”

31 წლიანდან მოულოდნელი პრივილეგიებიც გიგროვდება, მაგალითად: 

• მოზარდები ნელ-ნელა თქვენობით მოგმართავენ და შეიძლება დეიდა/ბიძიათიც შემოგეხმიანონ 
• ქუჩაში? არავითარი “გოგონი” და “ბიჭი” ამიერიდან – ქალბატონო / ბატონო! 
• ის ერთი ბედნიერი დღეც გათენდება, როცა ტრანსპორტში ადგილს დაგითმობენ 

ნუ მიიღებ ამ ფაქტებს ტრაგედიად, თამამად შეიფერე რადგან 31 წლიდან ბევრი კარგი საჩუქარიც გერგება: 

მაშ ასე: 

• გამდიდრდები 

ამ დროს უკვე ნამდვილად გეცოდინება, ვინაა შენი საუკეთესო მეგობარი 

• გონება გაგინათდება 

დააფასებ შენს მშობლებს, დეიდაშვილ-მამიდაშვილებს და შეიძლება ოჯახურ შეკრებებსაც გემო გაუგო 

• ემოციები მოზღვავდება

ნელ-ნელა უფრო მეტ ადამიანს აპატიებ, შეიძლება რომანტიკულ კინოებზეც აგეტიროს

• ჯანმრთელობაზე იზრუნებ

ბევრ წყალსაც დალევ, ვარჯიშსაც დაიწყებ და შეიძლება ისიც გაარკვიო, სად უკეთესი ბროკოლი, სალათის ფურცელი და სტაფილო “იღება”

• დაღვინდები 

ჰირველივე ემოციას არ აყვები, შეიძლება მოჩხუბრები სულ უფრო ხშირად გააშველო, დიდი შანსია, საჭესთან უწმაწური სიტყვების წამოცდენასაც გადაეჩვიო 

• მზად იქნები ნებისმიერი თავგადასავლისთვის

ბოლო და მთავარი! 31-დან იწყება თავგადასავლები. თავდაჯერებულობა მოიკრიბე და წინ ცხოვრებისგან მაქიმალური სიამოვნების მისაღებად!

გილოცავთ 31-ე დაბადების დღეს და ყველა ზემოთჩამოთვლილ ბედნიერებასთან ერთად ამ ასაკის ამაყად შეფერებასაც გისურვებთ!

წინ კიდევ ბევრი თავგადასავალი გველის!